........................................Os pregunto, palabras, el silencio.......................................
   
  JAVIER AGUIRRE ORTIZ
  Euskeraz
 


=>
Euskaraokea


=> Euskal literatura 




 



EUSKALDUN BAT MARTEN

Marten bizi naiz -Frantzian.
Bost mila biztanle duen herri baten,
ta tabernarik ez.
Arratsaldeko seietan
inor ez kalean.
Entzun dut NASA-k misio bat bidaliko duela,
bizitza kondizio hauetan posible den aztertzeko.






PENTSAKOR

-Zertan ari zara, motel,
kopetilun,
zigarroa hatzamarren artean duzula,
pentsakor?

-Ba keari begira.

Nik ulertu nion:
Bakeari begira.




COLLAGE

 
Zeren baskoak baitira animos eta gentil
Orain hemen nago, eremu latz honetan
Hareaz eginak desparadisuaren zutabeak
Oi lur, oi lur, oi ene lur neria!





ESKRIBA ESERITA (Musée du Louvre)

 "Escriba, escriba"

La Galleta del Norte

 

Eskriba, idatz ezazu,

ez diktatzen dizutena,

zure begi biziekin ikusten duzuna baizik,

hainbeste ahanzturari su emango dion

lehen eta beharrezko hitza,

kontatzen zaituen historiaren haria ebaki ezazu,

zure ahotsa entzun dezagun, argi, aire zabalean.

 


BERPIZKUNDEA

"Oi, lur, oi, lur,
oi ene lur neria"
               Lizardi

Berpiztuko zintuen euriaren zain zeunden, 
ene lur neria.

Horitzen, sikatzen hasi zinen,
ezer ez ulertu arte, zugan lurperatuta.

Gaur euria ta euria ta euria da, 
gaur haize leun batek mugitzen dituen belarrak berpizten dira. 

Eta gaur, ene lur neria, zurekin berpiztu nahi dut
eta zu bezala nere barnetik sortu!



AGIAN

Agian, hemen gaude.
Gertutik ikusita, ez dirudi
gure ingurumenaren parte garenik.
Agian, gogoa da
dugun gauza bakarra.




ARGITARATZEA

Ardi bat argitaratu nahi dut.
Argi beltz bat.



OLATUENA

Urrunetik entzuten dut olatuen distira.
Hain ezagunak dira!
Egunero geratzen naiz olatuei begira.
Zelako soka-tira!
Betiko sua etengabe zeruaren kabira.
Egunen eta olatuen etengabeko bira.



KONTUZ IBILI

Baten batek irakurriko du
idazten duzuna.

Baten batek irakurriko du
eta ez zaio batere gustatuko.

Kontuz ibili.

Baten batek irakurriko du
idazten duzuna
eta idazle bat besterik ez zarela
pentsatuko du.



ERREALITATEAREN KONTRA
hitzak ari naiz biltzen.
Hitzekin errealitatea
erre ahal izateko.
Errealitatea erre ahala.


 
 
  Desde el 15 de marzo de 2008: 128287 visitantes (259354 clics a subpáginas)  
 
Este sitio web fue creado de forma gratuita con PaginaWebGratis.es. ¿Quieres también tu sitio web propio?
Registrarse gratis